მთავარი »

---

.

5:32 PM ბრიტანული წვიმა

. . . კენსინგტონ პარკ-გეიტსის #29 ბინიდან შუახნის შავგრემანი, მაღალი, თაფლისფერთვალება, შავ ლაბადაში გამოწყოილი კაცი გამოვიდა და ტაქსი გააჩერა.  - სერ. . .  - ბრისტონროუდზე.  ტაქსისტმა დასტურის ნიშნად თავისი გახუნებული ქუიდი მარჯვენა ხელით ოდნავ დაბლა ჩამოსწია, მიბრუნდა და მანქანა დაქოქა. . .  . . . ლონდონის ნისლიან ქუჩებში ცივი და წვიმიანი შემოდგომის საღამო იდგა. Qალაქის სიმყუდროვე ბიგ-ბენის ექვსმა ზარმა დაარღვია. . . მეშვიდე ზარი მწუხრისა იყო. . .  . . .დანიშნულების ადგილამდე ხუტი იარდიღა რჩებოდა.  უცებ ყველაფერი უკუნმა მოიცვა. . . ხმაური. . . ქალების გამყინავი კივილი. . . გონებაში ჩარჩენილი შიში. . . გაოგნება. . . და სიცარიელე. . .  ბრისტონროუდზე, უაიტგერტისა და ჰოლანგროუს შორის, მოლიპულ გზაზე 1973 წლის გამოშვება ბებერი "ბენტლი” მოსრიალდა და შუქნიშნის ბოძს შეეჯახა.  2 წუთში შემთხვევის ადგილზე გაჩდნენ სასწრაფო დახმარებისა და სკოტლანდიარდის ეკიპაჟები.  პირველად სასწრაფო დახმარების მანქანაში არაბი ტაქსისტის შიშისგან შეკუმშული სხეული გადაიტანეს. . . მანქანიდან მანქანაში გადაყვანის დროს სხეული დასველდა, ცხედარს სისხლი ჩამობანა ბუნების ძალამ.  მანქანის უკანა სავარძლიდან გადმოიყვანეს გაოგნებული მგზავრი, რომელსაც თავზე ნახეთქი ჭრილობა ჰქონდა. . .  წვიმამ მას სისხი არ მოაშორა. . . ქუდმა შეუშალა ხელი...  - სერ, რა გქვიათ? -ჰკითხა მას კონსტებლმა.  მამაკაცმა უაზროდ მიაშტერა მას ნამიანი თვალები...  - მგონი ამნეზია დაემართა.  - რა თქვი ჩარლზ?  - რა და მგონი ამნესია დაემართათქო. გაიგე ჯორჯ?  - გავიგე, გავიგე, ერთი მაგის ჯიბე შეამოწმე იქნებ რაიმე საბუთი ჰქნდეს.  - ტომას ფოსტერი... უხ ამის... ეს ხომ მულტიმილიარდელი ბანკირია ჩარლზ. . .  - ოჰოო, ახლა მგონი ჟურნალისტები მოგვაწყდებიან. . .  . . . სამი თვის განმავლობაში აჭრელებული იყო " თაიმსის”, "სტანდარდის”, "ივნინგ სტარის”, "მორნინგ ქრონიქალის”, "დეილი ტელეგრაფისა” და სხვა მსხვილი გაზეთების მთავარი გვერდები. მთელი მსოფლიო შეძრა ამ ამბავმა. ყველა თომას ფოსტერის პირადი ექიმის დიაგნოზს ელოდა.  1992 წლის 17 თებერვალს ექიმმა ალენ სტივენსონმა პრესკოფერენცია მოიწვია. . . ისევ წვიმდა, თუმცა ამჯერად ფარფატა ფიფქები ცდილობდნენ წვიმის მძიმე წვეთების მონოპოლიის დამხობას. . .  - ბატონებო დაწყნარდით დიაგნოზს მე თვითონ გაგაცნობთ, კითხვების გარეშე.  სერ ტომას ფოსტერს უკურნებელი სენი სჭირს, მას ალცჰაიმერი დაუდგინდა, ვითარება უიმედა, სამწუხაროდ დღესდღეობით ამ დაავადების საწინააღმდეგო არანაირი საშუალება არ გააჩნია მეცნიერებას.  - " მორნინგ ქრონიქალი”, დაიანა პეინი:  - ექიმო რამდენი წლის სიცოცხლე დარჩა ბანკერს?  - როგორც ბანკირს, არცერთი, ხოლო როგორც სერ ტომას ფოსტრესა და ჩვენს მეგობარს ასე 4-5 წელიწადი სრული დამბლის ქვეშ.  . . . ყველას მიავიწყდა მულტიმილიარდელი ბანკირი, მისი სახელიც დაივიწყეს. თუმცა, ოდლეი კორტის რაიოში იშვა ახალი, დამბლადაცემული , შუახნის მამაკაცი ბავშვის ჭკუით და ძიძით- მისის ბეილით. Yველამ იცოდა, რომ "ის” Kენსინგტონ პარკ-გეითსის # 29 ბინაში ცხოვრობდა. . . ამჯერად თოვდა. ფარფატა ფიფქებმა მძიმე წვიმის დასამარცხებლად ხერხი იხმარეს, ისინი გაყინეს და თავისკენ გადმოიბირეს. . . თეთრი იყო ლონდონი. . .  1993 წელს მსოფლიო იძრა. თელეკომპანიები "BBჩ” – ის, ხოლო გაზეთები " ტაიმსის” თაოსნობით აცხადებდნენ, რომ ამერიკელმა ნევროლოგმა ფრენსის როსემ გამოაქვეყნა თავისი კვლევების ახალი ცნობები იმის შესახებ, თუ რა სასარგებლო თვისებებს ავლენს მოცარტის " სონატა ორი ფორტეპიანოსთვის დო მაჟორი” ადამიანის ფიზიოლოგიაზე, მისი მოსმენის შემდეგ. ბატონ ფრენსის იქვე მინიშნებული ქონდა, რომ ეს მეთოდი ყველაზე მეტად ალცჰაიმერის დაავადების სამკურნალოდ გამოდგებოდა, რასაც მისსივე კვლევების შედეგებით ადასტურებდა. მეორე დღეს , ყველა ბანკერ ტომას ფოსტერს ეძებდა, რათა ეხარებინათ ეს სასიამოვნო ამბავი. გაზეთბი იმედოვნებდნენ, რომ სერ ტომასი უკეთესობის გზას დაადგებოდა და საბოლოოდ განიკურნებოდა.  "მორნინგ ქრონიქალის” ჟურნალისტი დაიანა პეინი კი - თავის მხრივ, სულითა და გულით უსურვებდა მას დღეგრძელობას თავის სტატაში. . . Kენსინგტონ პარკ-გეითსის # 29 ბინის კარი ამჯერადაც გაიღო, მაგრამ ეხლა მასპინძლის მაგივრად იქ ოთხი სტუმარი გამოჩნდა; ორი კნსტებლი- ჩარლზი და ჯორჯი, ექიმი ალენ სტივენსონი და ჟურნალისტი დაიანა პეინი.  მყუდრო ბინის მისაღების იატაკზე, ალისფერი სისხლის გუბეში ინვალიდის ეტლიდან ჩამოვარდნილი ბანკირი იწვა, ხელში ანტიკვარული დამბაჩა ეჭირა. Gულის ფიცარი სველი ფოთოლვით გაეგლიჯა რკინის ბურთულა და იქვე ჩრდილოეთ კეელშივე ჩარჩენილიყო. . . ოთახში მოცარტი ჟღერდა. მისის ბეილი მის ცხედართან ჩამუხლილიყო და ქვითინბდა. ქალბატონს ხელიდან გასცვენოდა ახალი ნაყიდი ირლანდიური ლორის ნაჭერი, შოტლანდიური ვისკის ბოთლი და ინლისური ჩაის პაკეტი. . .  - შეხედეთ. . . ყურადღება მიიქცია დაიანამ. . . წერილი. . . და. . . ჩემი სტატია. . . დაიანას ცხარე ცრემლებმა ტემზის ყინული დაადნო. . . ჩარლზმა დაიანას წერილი გამოართვა და კითხვა დაიწყო:  - " მე, ბრიტანელსა და ინგლისელ ჯელტმენს არ მაქვს იმის მორალური უფლება, რომ ვიღაც ამერიკელის მიერ ბოძებული სიცოცხლით გავწიო ეს წუთისოფელი. . . მეხუროს ქუდი და ვსვავდე ჩაის. . . არა, არა, არავითარ შემთხვევაში. . . მე ბრიტანელი ვარ. . .  მე ინგლისელად ვკვდები. . .                                                               1993 წლის 27 ნოემბერი                                                                              შაბათი                                                                 სერ ტომას ფოსტერი”  დაიანას თავისი სტატია ხელში ჩაებღუჯა და ქვითინებდა. . .  თოვა შეწყდა ბუნებამ ადგილი დაიანას ცრემლებს დაუთმო. . . მეორე დილით მსოფლიო, მოცარტისა და ფრენსის როსის  წინაშე იხრიდა ქედს. ხოლო ინგლისი კი, თავის ღირსეული შვილის სერ ტომასის წინაშე. . .  ისევ წვიმს. . . ისევ ნისლია. . . ცივა. . . ეს ლონდონია. . .  ავტორი:  საბა სულაძე

1 2 3 4 5 კატეგორია: მოთხრობები | ნანახია: 2041 | დაამატა: dep | ტეგები: ნაწარმოები, ძაან, მაგარი, ბრიტანული, წვიმა., პროზაული | რეიტინგი: 3.8/11

მოიწონე სიახლე: გააზიარე სიახლე:

სულ კომენტარები: 0